اقرأ ماحصل حين اتصلت على نائب مدير الجامعة بشأن الاعتماد

الاخوة المحترمين
السلام عليكم ورحمة الله وبركاته
اجريت اتصال لمتابعة الخطاب اللي رفعناه بشأن الاعتماد وحبيت اطلعكم عليه لعل احد يتحمس
في يوم الاثنين الموافق 29/1/1430هـ الساعة الواحدة ظهرا اتصلت بسكرتير مدير الجامعة (وما رد لين تعبت من كثر الاتصال) وسألته عن الخطاب المقدم من قبل طلاب الدبلوم الى مدير الجامعة فقال لي انه موجود لديه وانه بانتظار قدوم مدير الجامعة الدكتور عبدالله السلامه من الكويت يوم الاربعاء ، واخبرته بان نائب مدير الجامعة (اللي دخل عليه الطلاب نسيت اسمه الان) قال اكتبو الخطاب واجمعو التواقيع واحضرو لي الخطاب فقال انا ماعندي اي معلومه لكن ابحولك عليه وحولني على نائب مدير الجامعة وعرفته بنفسي ....
وقلت :انا كتبنا خطاب وجمعنا تواقيع والخطاب الان عند السكرتير .
قال :انا قلت لكم تجيبون الخطاب لي علشان انا اعرضه انا شخصيا على الدكتور السلامه لان السكرتير راح يعرضه على مدير الجامعه مع مجموعة اوراق ولا راح يلقيه مدير الجامعة الاهمية القصوى لكن لو جبتوه لي انا ابدخل على مدير الجامعة وابشرح له الوضع يوم الاربعاء اذا حضر .
قلت : والان ما العمل؟ تطلبه من السكرتير !
قال : لا انت كلم السكرتير وخله يجيبه لي لاني لو كلمته يمكن ما يعرف وش اقصد!!!!!!!!!!!
قلت : ابشر بكلمه وبيكون على طاولتك في اسرع وقت .
وسكرت التلفون ودقيت على السكرتير وبالعزره رد
وقلت له : ان نائب مدير الجامعة يبغا الخطاب.
قال : ابوديه له
وانتهت المكالمة ولا ادري وش صار بعده.

اتمنى من الاخوة الاهتمام اكثر .

تقبلوا تحيتي.
عبدالرحمن الحربي

عدد المساهمات : 95 تاريخ التسجيل : 16/09/2008

إذا لم نضغط على مدير الجامعة بقوة فإن الإعتماد لن يتحقق

@المستشار@ كتب:: إذا لم نضغط على مدير الجامعة بقوة فإن الإعتماد لن يتحقق

[

b]تسلم اخوي المستشار على المرور
لكن الضغط يبغا تكاتف من الاخوة الاعضاء وليعلم الجميع ان القضية قضيته الخاصة حتى يجتهد ويتفانى في عمل ما يستطيع .

[/b]

عدد المساهمات : 126 تاريخ التسجيل : 16/09/2008

الله يعطيك العافية
ياليت اخوي عبدالرحمن تضع الارقام ليقوم الجميع بالاتصال والضغط عليهم
والاخوان المتواجدين في الرياض ان شاء الله مايقصرون في مراجعتهم والضغط عليهم ونحن كذلك اذا كنا في الرياض

الله يعافيك اخوي
الارقام هي
رقم الجامعة 012742277
سكرتير مدير الجامعة تحويله رقم 222
اتمنى للجميع التوفيق